Este venres 22 de maio, ás 20.00 horas, o músico e luthier Francisco Luengo impartirá no Salón de Actos do noso Centro unha conferencia co título "A lutería artística na Idade Media" sobre a construción dos instrumentos do Pórtico da Gloria da Catedral de Santiago de Compostela.

Complementará a velada a actuación de Antía Muiño Sánchez (guitarra) e o Conxunto de Violíns de 1º e 2º de Grao Profesional do CMUS de Santiago.

Preme sobre a seguinte ligazón para descargar o cartel da actividade.

Organizan o Departamento de Madeira, Equipo de Dinamización de Lingua Galega e a Biblioteca do CIFP Politécnico de Santiago; así como o Equipo de Dinamización Lingüística e o profesorado de violín e guitarra do Conservatorio Profesional de Santiago.

Con motivo da celebración das Letras Galegas, Xaime Lis, do equipo da Librería Komic de Santiago, impartirá unha charla-coloquio co título "40 anos de viñetas galegas". Complementará a velada a actuación do Coro de Amigos do CMUS de Santiago cun programa de música coral galega.

Preme sobre a seguinte ligazón para descargar o cartel da actividade.

Organizan o Equipo de Dinamización de Lingua Galega e a Biblioteca do CIFP Politécnico de Santiago.

Na semana das Letras Galegas, Pepe Penabade interpretará a Rodesindo da Barrosa no noso centro.

Preme sobre a seguinte ligazón para descargar o cartel da actividade.

Organizan o Equipo de Dinamización de Lingua Galega e a Biblioteca.

Durante a semana do 2 ao 8 de marzo celebrarase neste Centro o día (semana neste caso) da Muller traballadora.

Colga no taboleiro do recibidor unha foto, acompañada dunha lenda, sobre unha muller que consideres sobresaínte.

Preme sobre o seguinte enderezo para acceder ao cartel informativo da xornada.